Učora, 20 červienia, u słuckim mikrarajonie «Cukrovy» adklučyli haračuju vadu. Žychary pišuć u «Kurjer» i aburajucca: čamu tak nadoŭha?
«Jość dva momanty. Pieršaje — vialiki abjom darahich rabot pa madernizacyi sistemy hazazabieśpiačeńnia na CEC, što navat pry napružanaj pracy patrabuje praciahłaha času. Druhoje — horad nie raźličvajecca za nazapašanyja daŭhi za ciepłazabieśpiačeńnie mikrarajona, tamu haračaja vada budzie ŭklučacca tolki paśla ich pahašeńnia.
Spadziajemsia, što heta adbudziecca na praciahu miesiaca, pakul iduć raboty pa madernizacyi. Tamu žycharam mikrarajona nieabchodna źviartacca ŭ pieršuju čarhu ŭ rajvykankam, kab byli pahašanyja daŭhi, bo mahčymaja adsutnaść haračaj vady ŭ mikrarajonie i paśla zakančeńnia rabot na CEC. Nam nieabchodnyja srodki dla raźliku za raboty pa madernizacyi CEC», — rastłumačyŭ «Kurjeru» Vosip Dapira, staršynia naziralnaj rady AAT «Słucki cukrarafinadny kambinat».
