Biełaruś i Rasija znajšli razumieńnie pa bolšaści pytańniaŭ intehracyjnaha paradku ŭ Sajuznaj dziaržavie, paviedamiŭ premjer-ministr Siarhiej Rumas siońnia na sustrečy sa staršynioj urada Rasii Dźmitryjem Miadźviedzievym, pieradaje BiełTA.
«Našy kalehi za hety čas praviali šerah praduktyŭnych sustreč. U subotu (15 červienia) našy dźvie pierahavornyja kamandy ceły dzień pryśviacili abmierkavańniu pytańniaŭ. Bolšaść ź ich znajšło razumieńnie ŭ abodvuch bakoŭ, zastalisia niejkija momanty, jakija my siońnia pavinny abmierkavać», — skazaŭ Siarhiej Rumas.
Dźmitryj Miadźviedzieŭ paćvierdziŭ, što z momantu apošniaj sustrečy kiraŭnikoŭ uradaŭ zroblena rabota pa zbližeńni pazicyj. «U pracentach aceńvać heta składana, ale toje, što pazicyi zbližajucca, heta biezumoŭna tak. Nam treba siońnia prajścisia pa ŭsich pytańniach, jakija zastajucca, dzie heta budzie mahčyma — prosta ciapier vyznačycca, niejkija pytańni adkłaści na inšyja kansultacyi», — dadaŭ jon.
