Pra ŭčorašnija pratesty i šturm parłamienta ŭ Hruzii, spravakavanyja niepavažlivaj vychadkaj rasijskaha deputata Siarhieja Haŭryłava. Heta toj samy Haŭryłaŭ, jaki ŭ pačatku miesiaca byŭ u Minsku i tady paciašaŭsia ź Biełarusi. Jon udzielničaŭ u mierapryjemstvie «Terytoryja Sajuznaj dziaržavy jak adzinaje histaryčnaja, adukacyjnaja i infarmacyjnaja prastora», jakoje arhanizavała Hramadzianskaja inicyjatyva «Sajuz». Hetaja arhanizacyja naŭprost źviazana z antybiełaruskaj sietkaj dezynfarmacyi i prapahandy, jakoj pryśviečana majo niadaŭniaje daśledavańnie.
Sustaršyni «Sajuza»: Leŭ Kryštapovič (redaktar sajta «Teleskop»), Siarhiej Łušč (sajt «Naš Homiel»), Stanisłaŭ Byšok (źviazany jak minimum z 4 sajtami rehijanalnaj sietki) i rasijski palityk Siarhiej Baburyn, suarhanizatar «Ruskich maršaŭ».
Zajmalna, što Baburynu byŭ akazany ciopły pryjom u Viktara Šejmana i kiraŭnika prezidenckaj Administracyi Natalli Kačanavaj.
U čas znachodžańnia ŭ Minsku Haŭryłaŭ byŭ zaprošany ŭ studyju kramloŭskaha rupara «Sputnik Biełaruś» razam z Alaksiejem Kačatkovym, raniejšym kiraŭnikom rasijskaj arhanizacyi CIS-EMO, źviazanaj z rehijanalnaj sietkaj dezynfarmacyi i prapahandy pa Biełarusi. Sajty sietki štodnia trubiać, što biełarusaŭ jak nacyi nie isnuje, biełaruskaja mova była štučna stvorany Zachadam dla padziełu Rasiei dy inšych, domysły ab historyi i kultury Biełarusi.
U studyi «Sputnika» Haŭryłaŭ i Kačatkoŭ kazali pra «ahulnaruski śviet Rasii i Biełarusi», asnova jakoha — spraviadlivaść i ŭzajemadapamoha, u toj čas jak za zapadnaj cyvilizacyjaj — «asobasny ehaizm», što Biełarusi abaviazkova treba źlicca z Rasijaj, kab nie stać «razrabavanaj, źniavažanaj kałonijaj amierykanskaha prajekta», i pra toje, što za pratestami ŭ Jekaciarynburhu stajać ZŠA.
