U internecie źjaviłasia padborka zdymkaŭ retra-aŭtamabilaŭ, jakija nibyta znachodziacca va ŭłasnaści Alaksandra Łukašenki i składajuć jahonuju asabistuju kalekcyju. Fota apublikavaŭ u svaim telehram-kanale papularny błohier Nexta.
«Naša Niva» pasprabavała razabracca, ci sapraŭdy aŭtamabili naležać Alaksandru Łukašenku.
Jak patłumačyli ludzi, blizkija da Kiraŭnictva spraŭ prezidenta, mašyny aficyjna znachodziacca na bałansie hetaj arhanizacyi. «U haražy Łukašenki jany nie stajać, — zapeŭniŭvaje surazmoŭca. —Kali paraŭnoŭvać z Chusejnami-Kadafi-Pucinymi, to ŭ tych mašyny stajali ŭ haražach asabistych rezidencyj. A jany ich chadzili i razhladali. A tut jany na aŭtabazie, razam z mašynami dla achovy».
Adkul hetyja mašyny biarucca?
«Tam jość i ekzemplary, jakija dastalisia ŭ spadčynu ad savieckich časoŭ. Ale hety aŭtapark realna papaŭniajecca. Ja asabista nie viedaju, ci kuplaje jon ich sam. Ale viedaju, što mašyny Łukašenku dorać, a jon pieradaje ich u haraž Kiraŭnictva spraŭ. Naprykład, HAZ-69, «Pobiedu» i «Maskvič» padaryŭ adzin z našych, biełarusaŭ, a toj ža «Majbach» prypisvajuć [rasijskamu miljarderu Michaiłu] Huceryjevu», — patłumačyŭ rabotnik.
Natalla Ejsmant pakul što nie adkazała na pytańnie «Našaj Nivy» nakont hetych mašyn.
