U Tbilisi tysiačy ludziej vyjšli na akcyju pratestu da budynka parłamienta z-za skandalnych pavodzinaŭ rasijskaj delehacyi, jakaja prybyła ŭ Hruziju na siesiju Mižparłamienckaj asamblei pravasłaŭja.
Rasijski deputat, člen Kamunistyčnaj partyi Siarhiej Haŭryłaŭ, adkryŭ siesiju asamblei, siedziačy ŭ kreśle śpikiera parłamienta.
Praciahnuć vystup Haŭryłavu nie dazvolili deputaty apazicyjnych partyj «Jeŭrapiejskaja Hruzija» i «Adziny nacyjanalny ruch» — jany zabłakavali trybunu.
Paśla zryvu pasiadžeńnia členy rasijskaj delehacyi viarnulisia ŭ hatel u centry Tbilisi. La ŭvachodu ŭ budynak na praciahu troch hadzin doŭžyłasia akcyja pratestu, udzielniki jakoj patrabavali, kab Haŭryłaŭ publična paprasiŭ prabačeńnia za svaje dziejańni i nieadkładna pakinuŭ krainu.
Fota: Hruzinskaje telebačańnie.
Rasijskaja delehacyja ŭ supravadžeńni ŭzmocnienaj achovy ŭžo vylecieła z Hruzii.
Udzielniki apazicyjnaha mitynhu ŭvarvalisia na terytoryju parłamienta Hruzii.
Udzielniki akcyi patrabujuć adstaŭki staršyni parłamienta Iraklija Kabachidze, kiraŭnika MUS Hieorhija Hacharyja i kiraŭnika słužby biaśpieki Hruzii Vachtanha Hamiełaury z-za vizitu rasijskich deputataŭ u Tbilisi.
Uzbrojenyja dubinkami i ščytami palicejskija sprabujuć pieraškodzić šturmu budynka. Va ŭnutrany dvor parłamienta prarvalisia kala sotni čałaviek.