Ministr unutranych spraŭ Juryj Karajeŭ naviedaŭ abjekty, zadziejničanyja na II Jeŭrapiejskich hulniach, i pravieryŭ hatoŭnaść milicyi da składanaha ekzamienu, paviedamlaje pres-słužba MUS.
Fota maje ilustracyjny charaktar.
— Hatoŭnaść orhanaŭ unutranych spraŭ vysokaja. Ale my zaŭsiody pavinny prydzirliva stavicca da mier, jakija prymajem, i ličyć, što jany niedastatkovyja. My sami pavinny šukać mahčymyja ryzyki i pahrozy, — adznačyŭ Juryj Karajeŭ. — Tamu havaryć ab poŭnaj hatoŭnaści było b zaŭčasna. Na praktycy prablemy ŭsio roŭna źjaviacca i pakažuć nam, što my nie praduhledzieli i jak zmanieŭravać siłami i srodkami, kab heta palepšyć. Ahułam, istotnych źmienaŭ apieratyŭnaj abstanoŭki, źviazanych z hulniami, nie prahnazujecca, dla hetaha niama pieradumoŭ.
Ministr taksama adznačyŭ, što biełaruskaja milicyja paŭstanie pierad zamiežnymi haściami vietlivaj, karektnaj i, pa mahčymaści, nieprymietnaj. U hetaj suviazi rekamiendacyja adna — pamiatać, što haściej sustrakajuć z uśmieškaj, jak kali b u tvoj dom pryjšli siabry.
