Astranomy znajšli dźvie novyja padobnyja da Ziamli płaniety ŭ našaj hałaktycy, i abiedźvie nastolki padobnyja na našuju, što ciapier jany ŭvachodziać u śpis 19 viadomych patencyjna zasielenych ekzapłaniet, piša Science Alert.
Znachodziačysia na arbicie susiedniaj zorki ŭ suzorji Aviena, usiaho za 12,5 śvietłavych hoda ad nas, adna z hetych dźviuch płaniet moža mieć najbolšaje padabienstva ź Ziamloj z usich płaniet, jakija navukoŭcy znajšli za ŭsiu historyju nazirańniaŭ.
Płaniety tolki trochi ciažejšyja za Ziamlu i raźmieščany ŭ tak zvanaj zasielenaj zonie, dzie vada moža prysutničać u vadkaj formie.
Niahledziačy na svaju blizkaść, hetaja zorka Cihardena była vyjaŭlena tolki ŭ 2003 hodzie. Jana prykładna ŭ dziesiać razoŭ lahčejšaja, čym Sonca — heta stary čyrvony karlik, jakomu kala 8 miljardaŭ hadoŭ.
Na płaniecie Cihardena B imaviernaść uźniknieńnia ŭmieranaj tempieratury pavierchni, ad 0° da 50°C, składaje 60%. Teegarden C znachodzicca dalej i maje tempieraturu pavierchni, bolš padobnuju na Mars, prykładna — 47°C.
Uličvajučy ich minimalnuju masu i ŭździejańnie soniečnaha vypramieńvańnia, abiedźvie płaniety ŭklučyli ŭ katałoh patencyjna zasielenych ekzapłaniet. Teegarden B nabraŭ samy vysoki indeks padabienstva Ziamli (ESI) za ŭsiu historyju.
Choć heta nie abaviazkova aznačaje, što płanieta sapraŭdy nasielenaja.
