Biełarusam nielha razhladać žyćcio na piensii tolki praz pryzmu dziaržaŭnaha piensijnaha zabieśpiačeńnia, zajaviŭ namieśnik ministra pracy i sacyjalnaj abarony Valeryj Kavalkoŭ padčas anłajn-kanfierencyi pa pytańniach piensijonnaha zabieśpiačeńnia.
Žychar Barysava Siamion Piatrovič spytaŭ padčas anłajn-kanfierencyi, ci realna piensijanieru ŭ krainie pražyć na siaredniuju piensiju (400 rubloŭ).
«I ci budzie heta paŭnavartasnaje žyćcio, na vaš pohlad, ci vyžyvańnie? Havorka nie idzie pra padarožžy na piensii pa krainie i za miežami krainy (jak robiać tyja ž jeŭrapiejskija piensijaniery, jakija mohuć na adpačynku padarožničać), a ab banalnaj mahčymaści kupić narmalnuju ježu, a nie ekanomić na kožnaj kapiejcy», — udakładniŭ Piatrovič.
Namieśnik ministra pracy adkazaŭ:
— Uzrovień dziaržaŭnych piensij zaležyć ad ekanamičnych mahčymaściaŭ i vyznačajecca abjomam najaŭnych piensijnych srodkaŭ. Na indyvidualnym uzroŭni pamiery pracoŭnych piensij zaležać ad praciahłaści stažu raboty piensijaniera i jaho zarobku da vychadu na piensiju. Čym vyšejšy staž i zarobak, tym vyšej i pamier piensii. Adnak žyćcio na piensii nielha razhladać tolki praz pryzmu dziaržaŭnaha piensijnaha zabieśpiačeńnia. Za miažoj šyroka praktykujecca farmiravańnie rabotnikami dadatkovych piensijnych źbieražeńniaŭ u strachavych kampanijach, bankach, da jakich možna źviarnucca ŭ piensijny pieryjad. Mienavita hetyja nazapašvańni dazvalajuć piensijanieram padarožničać. U Biełarusi taksama jość mahčymaści farmavać dadatkovyja źbieražeńni na staraść.
