Mižnarodnaja śledčaja hrupa zajaŭlaje, što padazravanyja ŭ krušeńni samalota Malaysia Airlines na Danbasie kaardynavali dziejańni z «kiraŭnikom» anieksavanaha Rasijaj Kryma Siarhiejem Aksionavym i pamočnikam prezidenta Rasii Uładzimira Pucina Uładzisłavam Surkovym.
Pra heta na pres-kanfierencyi ŭ Niderłandach skazali pradstaŭniki śledčaj hrupy.
Jany apublikavali pierachoplenyja telefonnyja pieramovy padazravanaha eks-«ministra abarony» samaabvieščanaj «Danieckaj narodnaj respubliki» Ihara Hirkina (Strałkova) z pamočnikam Aksionava.
U červieni 2014 hoda kiraŭniki «DNR» praz Aksionava zapytali ŭ rasijskich uładaŭ uzmacnieńnie vajennaj dapamohi, jany prasili ab pastaŭkach artyleryi i sistem supraćpavietranaj abarony.
U Aksionava adkazali, što hetaje pytańnie vyrašajecca na najvyšejšym uzroŭni rasijskich uładaŭ.
U lipieni 2014 hoda «premjer-ministr» «DNR» Alaksandr Baradaj kantaktavaŭ z Uładzisłavam Surkovym i taksama prasiŭ u jaho dapamohi.
