Na mierapryjemstvy II Jeŭrapiejskich hulniaŭ pradadziena bolš za 160 tys. biletaŭ, paviedamiŭ žurnalistam načalnik upraŭleńnia pa kamunikacyjach, suviaziach z hramadskaściu i ŚMI Dyrekcyi Jeŭrahulniaŭ Alaksiej Bahdanovič, piša BiełTA.
«Na ŭčorašniuju ranicu było pradadziena bolš za 160 tys. biletaŭ. Siońnia ličba napeŭna budzie pavialičana, - skazaŭ Alaksiej Bahdanovič. - Spačatku płanavałasia pradać 190 tys., ale z ulikam pašyreńnia mahčymaściaŭ dla hledačoŭ kolkaść pavialičyłasia da 250 tys.».
Pradadzienyja amal usie kvitki na spabornictvy pa stralbie z łuka. Toje ž tyčycca kulavoj stralby i plažnaha futbołu. Užo pradajucca kvitki na vierchni jarus na spabornictvy pa mastackaj himnastycy. Na cyrymoniju adkryćcia jašče zastalisia kvitki, ale ich niašmat.
«Bolš za 20 tys. biletaŭ pradadziena za miažu. Ale heta statystyka čystaja: u zaŭziataraŭ była mahčymaść prastaŭlać adpaviednuju ptušačku pry kupli. Chtości heta rabiŭ, a niechta nie. My ličym, što realnaja ličba moža być u dva razy bolš», - dadaŭ Alaksiej Bahdanovič.
