Kiraŭnik Demakratyčnaj partyi Małdovy, aliharch Uład Płachatniuk zajaviŭ, što pierachodzić u apazicyju i chutka vierniecca ŭ krainu.
«Mnie patrebien pierapynak, ale nie dla taho, kab adpačyvać… U hetyja dni ja pracuju nad niekalkimi płanami, i samy važny ź ich — adnaŭleńnie stabilnaści ŭ Małdovie i miru, jakoha patrabujuć hramadzianie», — napisaŭ aliharch.
Jon taksama zajaviŭ, što pierachodzić u apazicyju, a zaraz znachodzicca «na barykadach». Płachatniuk śćviardžaje, što vierniecca ŭ krainu, jak tolki «jaho siamja budzie ŭ biaśpiecy, i jon budzie ŭ biaśpiecy».
Nahadajem, što ŭviečary 14 červienia ŭ Małdovie stary ŭrad Paŭła Filipa, źviazany z aliharcham Uładam Płachatniukom, u poŭnym składzie syšoŭ u adstaŭku. Paźniej stała viadoma, što Płachatniuk, faktyčny haspadar krainy, źjechaŭ z Małdovy.