Jašče adna ŭdzielnica niesankcyjanavanaha «Čarnobylskaha šlachu» była pakaranaja štrafam 30 maja. Sudździa sudu Pieršamajskaha rajona Minska Juryj Harbatoŭski aštrafavaŭ sustaršyniu stvarajemaj partyi «Biełaruskaja chryścijanskaja demakratyja» Volhu Kavalkovu na 15 bazavych vieličyń, paviedamlaje spring96.org.
Pra sud Volha Kavalkova paviedamiła ŭ sacyjalnych sietkach:
«15 bazavych za Čarnobylski šlach. Amal 200$ z čałavieka za kanstytucyjnaje prava na mirny schod. Zmahajemsia dalej».
Volha Kavalkova — dvanaccataja, kaho paśpieli pryciahnuć da administracyjnaj adkaznaści za ŭdzieŭ u niesankcyjanavanym masavym mierapryjemstvie pa art 23.34 KaAP.
Ahułam ža stanam na 30 maja ahulnaja kolkaść štrafaŭ, nakładzienych na ŭdzielnikaŭ «Čarnobylskaha šlachu» pa infarmacyi pravaabaroncaŭ skłała 150 bazavych vieličyń (3825 rubloŭ). Niekalki aktyvistaŭ jašče i dahetul čakajuć vyklikaŭ u sud.
Čytajcie taksama: Dziasiatki ludziej sabralisia na Čarnobylski šlach, niahledziačy na zabaronu
