Uviečary 29 maja ŭ Minsku bušavaŭ urahan: zatapiła darohi i navat sarvała dach chrama. Na terytoryi traktarnaha zavoda, jak akazałasia, stychija narabiła niamała spraŭ. Paškodžany sotni kvadratnych mietraŭ dachu i škleńnia.
Supracoŭniki MTZ raspaviali TUT.BY, što, miarkujučy pa ŭsim, epicentr stychii pryjšoŭsia na ich pradpryjemstva. Vietram paškodžany nie mienš za 400 kvadratnych mietraŭ dachu i jašče bolš za 600 kvadratnych mietraŭ škleńnia.
«Urahan litaralna prajšoŭ praz naš zavod, — kažuć supracoŭniki. — Tak jašče nikoli zavod nie trapała».
Najbolšaja škoda naniesienaja čatyrom cecham, ramantavać buduć svaimi siłami. Pahatoŭ jość svajo budaŭničaje ŭpraŭleńnie i techničnyja słužby.
«Ciapier usimi siłami adnaŭlajem, płanujem zrabić da paniadziełka. Dobra, što daždžoŭ niama, užo ramantujem dach. Zavod praciahvaje pracu», — raspaviali ŭ kiraŭnictvie pradpryjemstva.
