Śpiecpradstaŭnika Dziaržaŭnaha savieta Paŭnočnaj Karei pa spravach ZŠA Kima Chiek Čchola pakarali śmierciu paśla niaŭdałych pieramovaŭ lidara respubliki Kim Čen Yna i prezidenta ZŠA Donalda Trampa. Pra heta paviedamlaje vydańnie Chosun Ilbo.
Pa infarmacyi vydańnia, razam z Čcholem pakarali śmierciu jašče čatyroch supracoŭnikaŭ Ministerstva zamiežnych spraŭ. Pryčynaj pakarańnia stała toje, što jany nie zmahli dasiahnuć pahadnieńnia z amierykanskim lidaram na druhim samicie ZŠA-KNDR.
Akramia taho, da katarhi prysudzili pieršaha namieśnika paŭnočnakarejskaha lidera Kima Jen Čchola.
Aficyjna paćvierdzić hetuju infarmacyju niemahčyma. U toj ža čas Chosun Ilbo raniej nieadnarazova zajaŭlała, jak adbyvajecca pakarańnie čynoŭnikaŭ, što, jak vyśviatlałasia paśla, nie adpaviadała sapraŭdnaści.
