Kurc pryjazdžaŭ u Minsk 28 sakavika, fota Voli Aficeravaj
Prezident Aŭstryi adpraviŭ u adstaŭku ŭrad na čale z kancleram Siebaśćianam Kurcam. Pra heta paviedamlaje DiePresse.com.
Paviedamlajecca, što kancler admovicca ad miesca ŭ nižniaj pałacie parłamienta krainy i dadatkovych hrašovych vypłat. Da taho, jak budzie pryznačany časovy kiraŭnik kabinieta ministraŭ, abaviazki kanclera budzie vykonvać vice-kancler Chartvih Lehier.
Na vybarach u Jeŭraparłamient 26 maja Aŭstryjskaja narodnaja partyja (ANP) Siebaśćiana Kurca pieramahła z 35,4% hałasoŭ.
Palityčny skandał razhareŭsia ŭ Aŭstryi 18 maja. Heta adbyłosia paśla publikacyi niamieckimi ŚMI videa z užo byłym vice-kancleram i kiraŭnikom ultrapravaj Aŭstryjskaj partyi svabody (APS) Chajncam-Kryścijanam Štrachie. Na kadrach palityk i jaho pamočnik Jochan Hudenus sustrakajucca ź nibyta plamieńnicaj rasiejskaha aliharcha na Ibicy. Mierkavałasia, što jana pavinna była dapamahčy vice-kancleru pieramahčy na vybarach, za što jon paabiacaŭ pieradać joj častku dziaržzamoŭ ŭ halinie budaŭnictva..
