U Aŭstryi z-za karupcyjnaha skandału padali ŭ adstaŭku ŭsie členy ŭrada ad ultrapravaj Aŭstryjskaj partyi svabody (FPOe), pieradaje dpa.
«Usie ministry, jakija zastalisia ad krajnie pravaj Partyi svabody (FPOe), syduć u adstaŭku sa svaich pastoŭ va ŭradzie», — skazaŭ pradstaŭnik partyi.
Heta zajava była zroblena praź niekalki chvilin paśla taho, jak kancler Aŭstryi Siebaśćian Kurc zajaviŭ, što vyrašyŭ zvolnić ministra ŭnutranych spraŭ Chierbierta Kikla, kab harantavać poŭnaje rasśledavańnie karupcyjnaha skandału z udziełam FPOe.
Nahadajem, niamieckija žurnalisty apublikavali videazapis, na jakim vice-kancler Aŭstryi i lider ultrapravaj Aŭstryjskaj partyi svabody FPOe Chajnc-Kryścijan Štrachie pierad vybarami ŭ parłamient 2017 hoda viadzie pieramovy z «bahataj rasijankaj».
Na videa Alona Makarava prapanuje jamu hrošy na vybary ŭzamien na atrymańnie ŭ budučyni pryjarytetu dla jaje kampanij padčas dziaržaŭnych zakazaŭ.
