«Naša Niva» źviazałasia z ułaśnikam aŭtamabila z rehistracyjnym numaram «u694or98». Pa infarmacyi błohiera Niechta, mienavita na hetym aŭtamabili byŭ vykradzieny i zabity 22-hadovy lejtenant DAI Jaŭhien Patapovič.
53-hadovy Vasil N. — uradženiec Smalenskaj vobłaści Rasii, ale maje biełaruskaje hramadzianstva i žyvie ŭ Viciebsku.
«Maja mašyna ceły dzień stajała pad voknami internata, dzie my žyviom razam z žonkaj. Učora ŭviečary pryjšła milicyja, mašynu zabrali. Ciapier jana ŭ ich na ekśpiertyzie. Ci braŭ chto mašynu, ja nie viedaju. Kali ja pryjšoŭ, jana była na miescy», — zapeŭniŭ jon karespandenta «Našaj Nivy».
U Rasii raspaŭsiudžanaja źjava — vyrab rehistracyjnych numaroŭ-dublikataŭ. Atrymlivajecca, što pa krainie adnačasova jeździć niekalki «adnolkavych» mašyn.
Najčaściej sapraŭdny ŭłaśnik aŭto daviedvajecca pra heta, tolki kali jamu prychodziać čužyja štrafy za fotafiksacyju.