14 maja milicyja niečakana źjaviłasia ŭ kafe, dzie sabrałasia hrupa mužčyn — lidaraŭ kryminalnaha asiarodździa, paviedamlaje MUS.
U kafe prachodziła schodka z udziełam tak zvanaha złodzieja ŭ zakonie Alaksandra Kušniarova (pa mianušcy Saša Kušnier) i jaho «smatračych» u rehijonach.
Na sustrečy abmiarkoŭvalisia pracesy, jakija adbyvajucca ŭ kryminalnych kołach krainy ŭ suviazi z pryznačeńniem novaha «smatračaha» za Biełaruśsiu.
Papiaredniaha «smatračaha» za Biełaruśsiu zatrymali 4 maja ŭ Mahilovie, kali 39-hadovy kryminalny aŭtarytet pa mianušcy Šulc razam sa zmoŭščykam kuplali mietadon. U mašynie ŭ jaho da taho ž znajšli pradmiety, padobnyja na ručny kulamiot Kałašnikava, 15 patronaŭ da jaho, pnieŭmatyčny pistalet i palaŭničy nož.
Heta ŭžo čaćviortaja kryminalnaja schodka z pačatku hoda, raniej sustrečy spyniali ŭ Lidzie, Babrujsku i Połackim rajonie.
