Pryjarytetnym kandydatam na pasadu hałoŭnaha treniera «Barsiełony» źjaŭlajecca Ronald Kuman, jaki zaraz ŭznačalvaje zbornuju Niderłandaŭ. Pra heta paviedamiŭ viadučy prahramy El Chiringuito de Jugones na ispanskim telekanale La Sexta Žoziep Piedrerol.
Fota ź Vikipiedyi
Paśla finalnaha matču Kubka Ispanii, u jakim «Barsiełona» 25 traŭnia zhulaje z «Valensijaj», adbudziecca schod praŭleńnia katałonskaha kłuba. Na im abmiarkujuć budučyniu ciapierašniaha hałoŭnaha treniera kamandy Ernesta Valvierdie.
«Barsa» sioleta vyjhrała čempijanat Ispanii, ale ŭ Lizie čempijonaŭ vylecieła, prajhraŭšy «Livierpul». Pryčym u stalicy Katałonii sinie-hranatavyja śviatkavali pieramohu 3:0, a voś u Livierpuli atrymali parazu 0:4.
Ronald Kuman u svoj čas byŭ zorkaj jeŭrapiejskaha futbołu. Pačynaŭ u «Hroninhienie», hulaŭ za «Ajaks», PSV, šeść hadoŭ pravioŭ u «Barsiełonie», taksama byŭ pamočnikam hałoŭnaha treniera Łui van Hała ŭ «Barsie».
Treniravaŭ taksama «Vites», PSV, «Ajaks», AZ, «Fiejenord», «Valensiju», «Saŭthiemptan», «Eviertan».
