Fota: ahienctva «Maskva»
U vyniku katastrofy z łajnieram Sukhoi Superjet 100 zahinuli 13 čałaviek. Pra heta havorycca ŭ paviedamleńni Śledčaha kamiteta ŭ aficyjnym kanale ŭ WhatsApp.
«Pa rašeńni staršyni SK Rasii dalejšaje rasśledavańnie kryminalnaj spravy pra avaryjnuju pasadku pasažyrskaha samalota ŭ staličnym aeraporcie Šaramiećcieva pryniata da vytvorčaści Hałoŭnaje ŭpraŭleńnie pa rasśledavańni asoba važnych spraŭ Śledčaha kamiteta Rasijskaj Fiederacyi», - paviedamili ŭ viedamstvie.
Usiaho na borcie samalota znachodzilisia 78 čałaviek - 73 pasažyry i piać členaŭ ekipaža.
Łajnier avijakampanii «Aerafłot» vykonvaŭ rejs z Maskvy ŭ Murmansk. Nieŭzabavie paśla vyletu ekipaž paviedamiŭ ab techničnych niepaładkach i nakiravaŭsia ŭ Šaramiećcieva na ekstrannuju pasadku. Pryziamlicca łajnieru ŭdałosia tolki z druhoj sproby z-za składanych mieteaŭmoŭ. Pry pasadcy ŭ samalota zaharelisia ruchaviki i pałamalisia stojki šasi.
Častcy pasažyraŭ ŭdałosia evakujavacca na avaryjnych trapach. Pry pažary samalot całkam vyharaŭ. Aeraport Šaramiećcieva pierajšoŭ na abmiežavany režym pracy, adna pałasa začyniena. Častka rejsaŭ pieranakiravana ŭ Damadziedava.
U Maskvie zahareŭsia pasažyrski łajnier VIDEA
