Učora ŭ Minsku adbyŭsia finał konkursu pryhažości «Samy pryhožy tvar Biełarusi». Za karonu i prava pradstaŭlać Biełaruś na mižnarodnym konkursie «Samy pryhožy tvar śvietu — 2019», jaki adbudziecca ŭ listapadzie hetaha hoda na Filipinach, zmahałasia 19 finalistak — ich adabrali z 2000 zajavak, piša Tut.by
Pieramožnicaj stała Vieranika Tarasievič. Vieranika skončyła Mahiloŭski kaledž mastactvaŭ, praciahvaje vučobu ŭ Biełaruskaj akademii mastactvaŭ na 2-m kursie teatralnaha fakulteta. Lubić sport i tancy. Ličyć, što spahadlivaść, kachańnie i mastactva vyratujuć śviet.
Na dumku žury, dziaŭčyna lepš za ŭsich spraviłasia z defile, tvorčym numaram i intelektualnym konkursam, jaki składaŭsia z pytańniaŭ pa matematycy, chimii, bijałohii, historyi, litaratury.
