20 krasavika žychar Asipovičaŭ pryhnaŭ svoj aŭtamabil Lexus RCH 350 na aŭtamyjku dla chimčystki. Pakinuŭšy klučy, jon damoviŭsia zabrać mašynu na nastupny dzień, paviedamlaje MUS.
Adnak viečaram dva pjanyja rabotniki aŭtamyjki 20-ci i 19-ci hadoŭ vyrašyli pakatacca na pakinutaj mašynie. U 2 hadziny nočy jany nie spravilisia z kiravańniem i ŭrezalisia ŭ śvietłavuju aporu. Złodziei źbiehli ź miesca zdareńnia. Vartaŭnik haražnaha kaapieratyva, jaki vyjaviŭ mašynu, patelefanavaŭ u milicyju.
Pravaachoŭniki znajšli ŭładalnika aŭtamabila, adnavili karcinu zdareńnia i na praciahu hadziny zatrymali złamyśnikaŭ.
Zaviali kryminalnuju spravu pa častcy 2 artykuła 214 KK Biełarusi. Mužčynam pahražaje pazbaŭleńnie voli na termin ad dvuch da šaści hadoŭ.
