Prablemy paharšeńnia jakaści nafty, jakaja pastupaje z Rasii pa trubapravodach u Biełaruś, nosiać techničny charaktar i buduć likvidavany ŭ najbližejšy čas, paviedamiŭ žurnalistam pradstaŭnik Minenierha.
«Prablema nosić techničny charaktar i nie źviazanaja z pytańniami, jakija abmiarkoŭvajucca ź biełaruskimi partniorami ŭ častcy ŭzajemaadnosin u naftahazavaj śfiery na siarednie- i doŭhaterminovuju pierśpiektyvu», — padkreśliŭ śpikier viedamstva.
Minenierha taksama padkreśliła, što ź biełaruskimi partniorami pa hetym pytańni «idzie kanstruktyŭny dyjałoh».
Paharšeńnie jakaści ekspartavanaj nafty źviazana ź pieravyšeńniem narmatyvu pa kolkaści arhaničnych chłarydaŭ. Kampanija «Transnafta» ŭžo pryniała miery pa pryviadzieńni hetaha pakazčyka ŭ normu, «uklučajučy łakalizacyju ačaha ŭźniknieńnia padvyšanaj kancentracyi i pieranakiravańnia hruzapatokaŭ», padkreślivaje Minenierha.
Minimizavać nastupstvy dla biełaruskich NPZ kampanija maje namier taksama za košt zadziejničańnia alternatyŭnaha maršrutu zabieśpiačeńnia Mazyrskaha i Navapołackaha zavodaŭ.