Vystupajučy na «Linii Stalina», Alaksandr Łukašenka paskardziŭsia, što paśla znosu kryžoŭ u Kurapatach pačaŭ «uzbuchać» kardynał Kazimir Śviontak.
«Chtości z musulman pravilna zaŭvažyŭ, kali kataliki tam pačali vazbuchać — pa-mojmu, Śviontak tam i jašče inšyja, — čaho vy, kaža, chvalujeciesia, złujaciesia — tam ža i musulmanie, i habrei, nie tolki chryścijanie», — skazaŭ Łukašenka.
Jaho słovy trapili ŭ televiersiju, adnak z paviedamleńniaŭ BiełTA zhadka pra Śviontaka była prybranaja.
Kazimir Śviontak u 1941 hodzie byŭ asudžany savieckim režymam na śmierć i, kab nie pačatak vajny, lažaŭ by ŭ adnych z Kurapat.
Kazimir Śviontak u 1994 staŭ pieršym biełaruskim kardynałam. Jon uznačalvaŭ katalickuju carkvu da 2006 hoda. U 2011 Śviontak pamior. Jamu tady było 96 hadoŭ.
Pra situacyju ŭ Kurapatach vykazvaŭsia nasamreč nie Śviontak, a dziejny mitrapalit Tadevuš Kandrusievič.
Kandrusievič pra situacyju ŭ Kurapatach: U hałavie nie ŭkładvajecca
Arcybiskup Kandrusievič pra znos kryžoŭ u Kurapatach: Ja nie moh maŭčać
