Ci možna pa proźviščach nazvać tych, chto rasstralany ŭ Kurapatach i inšych miescach rasstrełaŭ abo pachavańniaŭ achviar represij? Dumaju, što možna. Sučasnyja srodki hienietyčnych daśledavańniaŭ heta dazvalajuć. Što dla hetaha treba?
1. Pravodziacca raskopki.
2. Z kostak abo zuboŭ zdabyvajucca ŭzory DNK (akramia DNK, mahčyma, pry novych raskopkach mohuć być znojdzienyja i niejkija pradmiety, pa jakich mahčyma budzie identyfikavać cieła).
3. Vyniki paraŭnoŭvajucca z najaŭnymi bazami dadzienych (jość, naprykład, baza dadzienych MUS — u Biełarusi asudžanyja pa ciažkich złačynstvach zdajuć DNK, a bazy dadzienych amierykanskich sajtaŭ, jakija pradajuć DNK-testy, naličvajuć užo miljony uzoraŭ).
4. Stvarajecca novaja baza dadzienych pramych naščadkaŭ i blizkich svajakoŭ represavanych. Naprykład, u mianie byŭ rasstralany rodny brat pradzieda — i našy DNK, asabliva Y-chramasomy pakažuć svajactva.
5. Analizujucca zachavanyja raparty ab pryviadzieńni ŭ vykanańnie prysudaŭ. Pa ich my vyznačajem, chto ź vialikaj dolaj vierahodnaści pachavany ŭ kožnaj jamie. Heta značyć, my zmožam vyznačyć daty rasstrełaŭ kožnaj jamy — naprykład, u hetaj jamie rasstreł 10 listapada 1937 hoda i hetak dalej.
6. Kali źjaviacca pieršyja identyfikavanyja astanki — možam vykazać zdahadku, što astatnija ŭ hetaj jamie supadajuć z rapartam ab pryviadzieńni prysudu ŭ vykanańnie. Dadatkova paraŭnoŭvajem kolkaść ciełaŭ u jamach z kolkaściu ludziej u rapartach.
Dla ŭsiaho hetaha treba tolki žadańnie identyfikavać hetyja reštki. Pakul jaho niama — praściej kazać, što heta niemahčyma.
