U Čerykavie 10 krasavika hareŭ dom. U im znajšli cieła 47-hadovaj žančyny sa šmatlikimi nažavymi ranieńniami. Jak akazałasia, ich nanieśli 47-hadovaj nastaŭnicy dva raniej sudzimyja braty 18 i 20 hadoŭ, jakija byli susiedziami zahinułaj.
Śledčy kamitet paviedamlaje, što braty va ŭsim pryznalisia.
Abvinavačanyja raniej byli znajomyja z paciarpiełaj, pamiž imi skłalisia niepryjaznyja adnosiny. Raniej žančyna paviedamiła ŭ pravaachoŭnyja orhany, što siastra chłopcaŭ nie vykonvaje svaich baćkoŭskich abaviazkaŭ. Siamju pastavili na prafiłaktyčny ŭlik.
Padčas zastolla doma pjanyja braty pajšli da susiedki raźbiracca. Kali žančyna ŭpuściła ich u dom, jany stali źbivać jaje, a potym pačali bić nažom. Ad ran jana pamierła. Chłopcy padpalili dom i źbiehli, vykinuŭšy nož u Sož.
Čytajcie taksama: U Čerykavie dvoje bratoŭ zarezali nastaŭnicu i padpalili jaje dom
