Skrynšot ź videa
Dziaržaŭnaje telebačańnie Sudana paviedamiła pra toje, što vajenny saviet, jaki zachapiŭ uładu ŭ krainie, uznačaliŭ ministr abarony Avad Muchamied Achmied ibn Auf. Mienavita jon u apošnija niekalki miesiacaŭ zajmaŭ pasadu pieršaha vice-prezidenta, a napiaredadni zajaviŭ ab źniaćci sa svajoj pasady šmathadovaha lidara krainy Amara al-Bašyra.
Auf ŭ 2000-ja hady uznačalvaŭ vajennuju raźviedku, zatym kiravaŭ hienieralnym štabam Sudana. Paśla 2010 hoda jon niekatory čas zajmaŭ pasadu pasła Sudana ŭ Amanie.
U 2007 hodzie Auf byŭ uniesieny ŭ amierykanski sankcyjny śpis. U Vašynhtonie byli niezadavolenyja jaho dobrymi suviaziami ź Iranam. Akramia hetaha hienierał padazravaŭsia ŭ tym, što jon addavaŭ zahady žorstka raspraŭlacca ź mirnym nasielnictvam padčas kanflikta ŭ paŭnočnym Darfury.
Namieśnikam Aufa ŭ vajennym saviecie stanie hienierał-lejtenant Kamal Abduł Murof Al Machi. Apošni ŭznačalvaŭ sudanski Hienštab.
