U Babrujsku pry rabotach u račnym porcie znajšli šlem kanca IX — pačatku XI stahodździa, paviedamiŭ BiełTA staršynia Pastajannaj kamisii pa adukacyi, kultury i navucy Pałaty pradstaŭnikoŭ doktar histaryčnych navuk Ihar Marzaluk.
house.gov.by
Pavodle jaho słoŭ, heta ŭnikalnaja dla Biełarusi znachodka. «Takaja reč u krainie znojdziena ŭpieršyniu. Anałahi jość va Ukrainie, u družynnych mahilnikach u znakamitaj «Čornaj mahile» (kurhan u Čarnihavie) i ŭ Šastavicy», — adznačyŭ Ihar Marzaluk. U hetyja vychodnyja na miescy, dzie vyjavili šlem, buduć pravodzicca raskopki. Navukoŭcy raźličvajuć, što jon stanie nie adzinaj unikalnaj znachodkaj.
Šlem dobra zachavaŭsia. Treba budzie vyrašyć pytańnie ab jaho kansiervacyi. Płanujecca, što znachodku pieradaduć śpiecyjalistam dla daśledavańniaŭ.
