Biełaruś i Rasija abmiarkoŭvajuć mahčymaść adterminavańnia rasijskaha kredytu na budaŭnictva Biełaruskaj atamnaj elektrastancyi ŭ Astraŭcy. Pra heta 4 krasavika raspavioŭ žurnalistam kiraŭnik Biełenierha Viktar Karankievič, paviedamlaje karespandent ahienctva «Minsk-Naviny».
Ciapier, pavodle jaho słoŭ, hetaje pytańnie prapracoŭvajecca na ŭzroŭni ministerstvaŭ finansaŭ dźviuch krain. Prapanovy biełaruskaha boku datyčacca jak pavieličeńnia terminu kredytu — z 25 da 35 hadoŭ, tak i źnižeńnia pracentnaj staŭki.
Kredyt na budaŭnictva AES byŭ vydzieleny ŭ pamiery 10 miljardaŭ dalaraŭ u ramkach mižuradavaha pahadnieńnia. Mierkavałasia, što hetyja srodki pavinny pakryć 90% vydatkaŭ na budaŭnictva stancyi. Astatnija 10% apłačvaje Biełaruś. Pahašeńnie asnoŭnaha doŭhu pačynajecca paśla ŭvodu AES u ekspłuatacyju. Pieršy enierhabłok płanujecca ŭvieści ŭ ekspłuatacyju ŭ 2019 hodzie, druhi — u 2020 hodzie.
U sakaviku pasoł Rasii ŭ Minsku Michaił Babič zajaviŭ, što rasijski bok u ciapierašnich ekanamičnych umovach nie bačyć nieabchodnaści ŭ pierahladzie ŭmoŭ vydačy hetaha kredytu.
