Fota: Radyjo Svaboda.
Fota: Radyjo Svaboda.
Fota: Radyjo Svaboda.
Fota: Radyjo Svaboda.
Fota: Radyjo Svaboda.
Uviečary ŭ čaćvier u Kurapatach sabrałasia kala 200 čałaviek, kab zapalić śviečki i ušanavać pamiać achviaraŭ masavych rasstrełaŭ. Nahadajem, siońnia ranicaj u Kurapatach pačali znosić kryžy, jakija ŭstaloŭvali aktyvisty, piša Tut.by.
Fota: Jaŭhien Jarčak, Tut.by.
Sabrałasia kala 200 čałaviek. Chtości pryjšoŭ z kvietkami, niechta sa śviečkami, chtości prosta, kab pastajać la kryžoŭ. Na ŭvachodzie va ŭročyšča i kala «Hałhofy» dziažurać supracoŭniki milicyi ŭ cyvilnym.
Fota: Jaŭhien Jarčak, Tut.by.
Z boku kalcavoj darohi na nievialikim učastku ŭžo ŭstalavali žaleznyja słupy i naciahnuli sietku — vynik siońniašnich «rabot pa dobraŭparadkavańni».
Siarod tych, chto pryjšoŭ, savietnik pasła Polščy ŭ Biełarusi Marcin Vajciachoŭski, aktyvisty Pavał Biełavus, Eduard Palčys, Anton Matolka, palityki Vital Rymašeŭski, Alaksiej Janukievič. Pradstaŭnik polskaj ambasady kamientavać situacyju ŭ Kurapatach admoviŭsia.
Pryjšoŭ śviatar Antonij Bokun i niekalki aktyvistaŭ, jakija prapanavali nastupny scenar: spačatku praśpiavać niekalki malitvaŭ, u tym liku «Mahutny Boža» na «Hałhofie», a paśla spuścicca ŭ toj bok ŭročyšča, dzie siońnia pačali stavić płot. Tam hetak ža začytajuć niekalki malitvaŭ. Prysutnyja chočuć zładzić chresny chod.
Fota: Jaŭhien Jarčak, Tut.by.
Začytaŭšy malitvy, ludzi ź pieśniaj pačali chresny chod, ruchajučysia ŭniz z «Hałhofy». Pa darozie jany spyniajucca i čytajuć malitvy.
