Prezident Estonii Kierści Kaljułajd zajaviła, što vykładańnie ruskaj movy ŭ škołach krainy źjaŭlajecca pahrozaj dla estonskaj movy i kultury, paviedamlaje Postimees.
«Biesterminovy praciah dvuchmoŭnaj školnaj sistemy źjaŭlajecca pahrozaj dla isnavańnia estonskaj movy i kultury i nijak nie pavialičvaje zhurtavanaść estonskaj dziaržavy», — skazała Kaljułajd.
Pavodle jaje słoŭ, u krainy jość adzinaja dziaržaŭnaja mova i pierad Estonijaj staić zadača, kab usie vychavancy ŭ dziciačych sadkach i vypuskniki škoł havaryli pa-estonsku. Palityk padkreśliła, što nizki ŭzrovień vałodańnia estonskaj movaj pryvioŭ da taho, što ŭ bujnych haradach isnuje sacyjalnaja izalacyja pradstaŭnikoŭ ruskaj abščyny. Jana taksama adznačyła, što ŭ krainie pa-raniejšamu niama škoł i dziciačych sadoŭ, jakija pracujuć całkam na estonskaj movie.
