«Duraściu i złačynstvam pierad pamiaćciu prodkaŭ» nazvała deputatka Pałaty pradstaŭnikoŭ źniščeńnie kryžoŭ u Kurapatach, paviedamlaje Radyjo Svaboda.
«Ja nia viedaju i nie mahu daznacca, ci heta chto z samaha vierchu padaŭ taki zahad, ci heta prosta inicyjatyva drobnych čynoŭnikaŭ, jakija chočuć vysłužycca. Lepš by prajavili inicyjatyvu, kab abaranić intaresy ludziej, kab apublikavać śpisy ludziej, jakija tam lažać u Kurapatach, śpisy tych, chto dahetul nie reabilitavany.
Heta duraść, a pa vialikim rachunku — heta złačynstva pierad pamiaćciu našych prodkaŭ», — skazała Svabodzie Alena Anisim.
Alena Anisim paskardziłasia, što na pryjom da ministra kultury Juryja Bondara nia moža trapić navat deputat.
«Rajać źviartacca da drobnych čynoŭnikaŭ, u vas, maŭlaŭ, niama pryčyny źviartacca da ministra. Ujaŭlajecie sabie? Jak skazaŭ niekalki miesiacaŭ tamu Alaksandar Łukašenka, «u nas pačynajecca vakchanalija». Dyk voś vakchanalija pačynajecca ź dziaržaŭnych strukturaŭ», — kaža Alena Anisim.
