Prezident Ałžyra Abdelaziz Buteflika ŭ aŭtorak padaŭ u adstaŭku — paśla niekalkich tydniaŭ masavych pratestaŭ.
Paviedamleńnie pra adstaŭku Butefliki źjaviłasia nieŭzabavie paśla taho, jak načalnik hienieralnaha štaba ałžyrskaj armii Achmied Hajed Sałach zaklikaŭ nieadkładna pryniać miery pa jaho adchileńni ad pasady, piša svoboda.org.
Vajskoŭcaŭ nie zadavoliła zroblenaja raniej zajava ab tym, što Buteflika sydzie ŭ adstaŭku da zakančeńnia svajho čaćviortaha mandata 28 krasavika. Jany zapatrabavali nieadkładnaha sychodu.
U adpaviednaści z kanstytucyjaj Ałžyra paśla adstaŭki Buteflika abaviazki časovaha lidara krainy budzie vykonvać śpikier vierchniaj pałaty parłamienta Abdelkader Biensałach. Prezidenckija vybary pavinny być arhanizavany na praciahu 90 dzion.
Buteflika kiravaŭ Ałžyram z 1999 hoda, ale apošnija hady surjozna chvareŭ, i krainaj kiravali ludzi ź jaho atačeńnia i vajskoŭcy.
