Pozna ŭviečary 25 lutaha, prajazdžajučy mima aŭtobusnaha prypynku «Čyhunačny vakzał Paleski» ŭ Baranavičach, supracoŭniki departamienta achovy MUS zaŭvažyli dvuch śpiačych mužčyn. Milicyjanty vyrašyli pravieryć ich stan. Pakul jany razvaročvalisia, da prypynku padyšła dziaŭčyna i schiliłasia nad adnym sa śpiačych, a potym stała chutka sychodzić ad prypynku. Supracoŭniki departamienta achovy dahnali jaje.
— Kali ŭ dziaŭčyny spytali, što jana ŭziała ŭ mužčyny, taja dastała z kišeni mabilny telefon Samsung. Jaho košt — 300 rubloŭ, — rastłumačyli Intex-press u Departamiencie achovy MUS.
25 sakavika ŭ dačynieńni da 24-hadovaj biespracoŭnaj dziaŭčyny raspačali kryminalnuju spravu pa č. 1 art. 205 KK RB. Joj moža pahražać da troch hadoŭ pazbaŭleńnia voli.
