U Hrodnie kiroŭca Ford Transit vyratavaŭ žančynie žyćcio. Zaraz u jaje jość druhi Dzień naradžeńnia — 26 sakavika. Usiu situacyju zaśniaŭ čytač AŭtaHrodna Michaił.
— Heta było siońnia na skryžavańni vulic Sołamavaj i Suvorava. Žančyna źbirałasia pierajści darohu na čyrvony sihnał śviatłafora i pahladzieła, što sprava aŭtamabil prajazdžaje skryžavańnie. Ale ŭ levy bok jana navat nie paviarnuła hałavu! Tak i pajšła, — kaža Michaił.
1 siekunda prajšła pamiž vychadam žančyny na darohu i tym momantam, kali mima jaje prajechaŭ Ford Transit. Kiroŭca mikraaŭtobusa paśpieŭ pasihnalić žančynie i ŭ heta ž imhnieńnie vycisnuŭ piedal tormazu. Pa dymie z pad kołaŭ heta vyrazna vidać.
Žančyna paśpieła adskočyć, kiroŭca mikraaŭtobusa vyratavaŭ jaje žyćcio. Piešachod skłała ruki, nibyta prosiačy prabačeńnia.
Ahułam piešachod nie dačakałasia svajho zialonaha sihnału śviatłafora dvanaccać siekund.