Siońnia ŭ pres-centry «Sputnik Biełaruś» prachodzić pres-kanfierencyja pasła Rasii ŭ Biełarusi Michaiła Babiča, pryśviečanaja «piacihodździu ŭvachodžańnia Kryma ŭ skład Rasijskaj Fiederacyi».
My, redakcyi biełaruskich niedziaržaŭnych ŚMI, uzvažyŭšy ŭsie plusy i minusy prysutnaści našych žurnalistaŭ na hetym mierapryjemstvie, pryniali rašeńnie ŭstrymacca ad udziełu ŭ joj.
My padkreślivajem, što hetaje rašeńnie ni ŭ jakim razie nie aznačaje ihnaravańnie pasła Rasii ci adsutnaść cikavaści da jaho pazicyi. My hatovyja sustrecca sa spadarom ambasadaram u farmacie pres-kanfierencyi abo asobnych intervju pa temie biełaruska-rasijskich adnosin, zadać usie pytańni, jakija cikaviać nas, i danieści da našych čytačoŭ jaho adkazy. Niekatoryja z nas užo adpraŭlali zajaŭki na takoje intervju.
Adnak, uličvajučy zajaŭlenuju temu pres-kanfierencyi, my nie chočam, kab prysutnaść našych žurnalistaŭ tam była vytłumačana našymi čytačami jak padtrymka adnoj z pazicyj pa padziejach u Krymie ŭ 2014 hodzie. Akramia taho, pazicyja Rasiei pa hetaj temie šyroka i daŭno viadoma.
Hałoŭny redaktar TUT.BY Maryna Zołatava
Hałoŭny redaktar «Jeŭrapiejskaha radyjo dla Biełarusi» Pavieł Śviardłoŭ
Hałoŭny redaktar BiełaPAN Iryna Leŭšyna
Hałoŭny redaktar «Našaj Nivy» Jahor Marcinovič
Hałoŭny redaktar «Narodnaj Voli» Iosif Siaredzič
P.S. «BiełHazieta» taksama vykazała salidarnaść z hałoŭnymi niedziaržaŭnymi vydańniami.
