Pravaachoŭniki Bresckaj vobłaści vyznačyli padazravanych pa spravie ab zabojstvie 21-hadovaj daŭniny.
U noč z 9 na 10 kastryčnika 1997 hoda ŭ žyłym pryvatnym domie ŭ Davyd-Haradku Stolinskaha rajona znajšli trup miascovaj žycharki z prykmietami hvałtoŭnaj śmierci.
Raspačali kryminalnuju spravu, u chodzie rasśledavańnia jakoj vyśvietliłasia, što nieviadomyja trapili ŭ dom žančyny, dzie nanieśli joj nažavyja ranieńni, vykrali juvielirnyja vyraby i hrošy.
Na praciahu mnohich hadoŭ padazravanych znajści nie mahli.
U 2018 hodzie pryznačyli dadatkovuju sudova-hienietyčnuju ekśpiertyzu.
Dziakujučy sučasnym mahčymaściam, ekśpierty vyłučyli hienatyp, jaki supaŭ z hienatypam žychara Stolinskaha rajona, 1976 hoda naradžeńnia. Mužčynu zatrymali supracoŭniki kryminalnaha vyšuku.
Jon raspavioŭ śledčamu pra abstaviny złačynstva i pra toje, što ździejśniŭ jaho razam z dvuma znajomymi, jakich taksama zatrymali.
Rasśledavańnie kryminalnaj spravy praciahvajecca.