Adnaho z zasnavalnikaŭ «kryptavalutnaj piramidy» OneCoin bałharyna Kanstancina Ihnatava zatrymali ŭ ZŠA pa padazreńni ŭ machlarstvie, paviedamlajecca ŭ zajavie sajcie Ministerstva justycyi ZŠA, piša ria.ru.
«Kanstancin Ihnataŭ byŭ aryštavany 6 sakavika 2019 hoda ŭ mižnarodnym aeraporcie Łos-Andželesa pa abvinavačvańni ŭ zmovie z machlarstvam, źviazanym ź jaho rolaj lidara mižnarodnaj piramidy, jakaja ŭklučała ŭ siabie prodaž ašukanskaj kryptavaluty pad nazvaj «OneCoin», - havorycca ŭ zajavie prakuratury Paŭdniovaj akruhi Ńju-Jorka, apublikavanaj na sajcie miniusta.
Paviedamlajecca, što taksama była zatrymanaja siastra Ihnatava, Ruža Ihnatava, jakaja źjaŭlajecca zasnavalnicaj i pieršym kiraŭnikom kampanii OneCoin. Jaje vinavaciać u elektronnym machlarstvie, machlarstvie z kaštoŭnymi papierami i admyvańni hrošaj.
«U vyniku niedakładnaj infarmacyi, jakuju Ihnataŭ, Ihnatava i inšyja padavali ab OneCoin, achviary pa ŭsim śviecie inviestavali miljardy dalaraŭ u machlarskuju kryptavalutu. Paśla aryštu Ihnataŭ paŭstaŭ pierad miravym sudom u centralnaj akruzie Kalifornii i byŭ uziaty pad vartu pa abvinavačvańni, vystaŭlenym u sudovaj skarzie», - paviedamlajecca ŭ zajavie prakuratury.
Pa słovach namieśnika dyrektara FBR Uiljama Suini-małodšaha, «kryptavaluta OneCoin» nie maje realnaj kaštoŭnaści i nie moža być vykarystana dla kupli čaho-niebudź.
Jak paviedamlajecca ŭ zajavie, kampanija OneCoin Ltd. mieścicca ŭ stalicy Bałharyi Safii. Jana była zasnavanaja ŭ 2014 hodzie Ružaj Ihnatavaj. U siaredzinie 2018 hoda kirujučuju pasadu kampanii zaniaŭ małodšy brat Ihnatavaj Kanstancin. Ciapier kampanija praciahvaje funkcyjanavać, «kryptavalutu OneCoin» vykarystoŭvajuć bolš jak try miljony čałaviek pa ŭsim śviecie.
