U Maskvie na praśpiekcie Akademika Sacharava prachodzić uzhodnieny z uładami mitynh suprać izalacyi rasijskaha siehmienta internetu, paviedamlaje radyjo «Svaboda». Arhanizatar akcyi pratestu — niezarehistravanaja ŭ RF Libiertaryjanskaja partyja.
Anałahičnyja vystupleńni prajšli ŭ Chabaraŭsku, Irkucku, Sankt-Pieciarburhu, zapłanavany mitynh u Varoniežy.
Na maskoŭskuju akcyju sabrałasia 15 tysiač čałaviek. Kala 16 udzielnikaŭ byli zatrymanyja pierad pačatkam.
12 lutaha 2019 hoda Dziaržduma Rasii pryniała ŭ pieršym čytańni zakon, jaki praduhledžvaje techničnuju mahčymaść aŭtanomnaj pracy rasijskaha siehmienta internetu ŭ nadzvyčajnych situacyjach i adklučeńnie Runetu ad hłabalnaj sietki. Hetaja miera tłumačycca «niebiaśpiekaj maštabnych kibieratak z boku krain Zachadu». Za pryniaćcie dakumienta prahałasavali 334 deputaty, 47 vykazalisia suprać. Miarkujecca, što na izalacyju rasijskaha siehmienta internetu spatrebicca 20 miljardaŭ rasijskich rubloŭ, choć pieršapačatkova havaryłasia, što na heta nie patrebnyja srodki ź fiederalnaha biudžetu.
