U Italii nabyŭ moc zakon ab uviadzieńni biezumoŭnaha bazavaha dachodu ŭ pamiery 500 jeŭra ŭ miesiac, paviedamlaje ANSA.
Aficyjna pačała pracavać sistema padačy zajavak na atrymańnie «hramadzianskich vypłat». Rehistracyja mahčymaja praź internet, praz paštovyja adździaleńni i nacyjanalnuju sietku administracyjnych centraŭ CAF.
Na vypłaty ad dziaržavy mohuć raźličvać piać miljonaŭ hramadzian Italii.
Dla hramadzian, jakija nie majuć siemjaŭ, vypłata składzie 500 jeŭra ŭ miesiac u tym vypadku, kali dachody roŭnyja nulu. Siamja biez dachodu i z tryma niepaŭnaletnimi dziećmi atrymaje 1050 jeŭra, a siamja, jakaja zdymaje žyllo, zmoža pretendavać na dadatkovuju dapamohu ŭ pamiery 280 jeŭra. Vypłaty nie zmohuć atrymać hramadzianie, čyj štomiesiačny dachod pieravyšaje 780 jeŭra, haspadarki z prybytkam vyšej za šeść tysiač jeŭra ŭ miesiac i ŭłaśniki nieruchomaści daražejšaj za 30 tysiač jeŭra.
Dapamoha taksama abaviazvaje atrymalnika prajści kursy pierakvalifikacyi i adhukacca na prapanovy ab pracy pa ŭsioj krainie. Paśla troch admoŭ hramadzianin nie zmoža bolš atrymlivać vypłaty.
