Kitaj zakupić zvadkavany pryrodny haz u ZŠA ŭ ramkach urehulavańnia handlovych supiarečnaściaŭ pamiž krainami, piša The Wall Street Journal.
Pavodle vydańnia, kitajskaja dziaržaŭnaja kampanija Sinopec składzie kantrakt z amierykanskaj Cheniere Energy na 18 miljardaŭ dalaraŭ. Zhodna ź im, pastaŭki pačnucca ŭ 2023 hodzie.
Akramia taho, kitajski bok samastojna pabuduje terminały dla pryjomu i rehazifikacyi vadkaha paliva. Na heta, pa słovach surazmoŭcaŭ haziety, pryjdziecca vydatkavać jašče kala troch miljardaŭ dalaraŭ. Takim čynam, ahulny košt doŭhaterminovaha kantrakta dla Piekina składzie 21 miljard dalaraŭ.
Takim čynam amierykanski haz stanie kankurentam rasijskamu palivu. U śniežni 2019-ha čakajecca zaviaršeńnie budaŭnictva hazapravoda «Siła Sibiry», pa jakim pastaŭlać pryrodny haz u Kitaj budzie «Hazprom».
