Namieśnik pamočnika dziaržsakratara Džordž Kient prybyŭ z aficyjnym vizitam u Minsk. Jon naviedaŭ park imia Janki Kupały, kab ušanavać pamiać Antona i Ivana Łuckievičaŭ — zasnavalnikaŭ BNR, paviedamlaje pasolstva ZŠA.
U ramkach vizitu ŭ Biełaruś u pradstaŭnika Dziarždepa ZŠA płanujecca aficyjnaja sustreča z kiraŭnikom MZS Uładzimiram Makiejem.
Heta ŭžo druhi vizit pradstaŭnika Dziarždepa ZŠA ŭ Minsk. U kancy kastryčnika ŭ Biełaruś prylataŭ pamočnik dziaržsakratara ZŠA pa spravach Jeŭropy i Jeŭrazii Ues Mitčeł, jaki nazvaŭ Biełaruś «častkaj bastyjona, jaki abaraniaje ad rasijskaha nieaimpieryjalizmu». Tady Łukašenka zajaviŭ, što raźličvaje, što heta budzie sapraŭdy histaryčny vizit, «ź jakoha pačniecca, chaj pastupovy i pavolny, vychad z taho stanu, u jakim znachodziacca biełaruska-amierykanskija adnosiny».
U listapadzie Minsk naviedali były kamandujučy suchaputnymi vojskami ZŠA ŭ Jeŭropie, ekśpiert Centra pa analizie jeŭrapiejskaj palityki Ben Chodžes, staršy dyrektar Centra dypłamatyi i hłabalnych adnosin imia Dž. Bajdena Majkł Karpenter, ekśpiert analityčnaha centra «Karparacyja REND» Brus Makklintak, prezident Džiejmstaŭnskaha fondu Hlen Chovard i staršy navukovy supracoŭnik hetaha fondu Uładzimir Sokar.