Daktary byli zmušany ŭvieści 3-hadovaha Amara Vohana ŭ štučnuju komu, kab uratavać jamu žyćcio, paśla taho jak jon znajšoŭ pad baćkoŭskim łožkam zanačku šakaładnych cukierak, paviedamlajuć brytanskija ŚMI.
Jaho 34-hadovaja mama z łondanskaha rajona Uembli pajšła ŭ kino, pakinuła 38-hadovaha tatu na haspadarcy z traimi dziećmi. Toj nie skmieciŭ, jak małoje vyciahnuła i źjeła cukierki z pakunku. Dzicia amal adrazu pačało zadychacca. Injekcyja adrenalinu nie dapamahła.
Chutkaja dapamoha zabrała małoje ŭ špital, kab uratavać jamu žyćcio.
Šakaładnyja cukierki byli adzinym małočnym praduktam u domie.
Miarkujecca, što kala 2% dziaciej majuć alerhiju na karovina małako roznaj stupieni intensiŭnaści. Daktary razychodziacca ŭ dumkach, čamu kolkaść alerhikaŭ u apošnija dziesiacihodździ rezka vyrasła. Niekatoryja źviazvajuć heta z ekałohijaj, inšyja — z rezkim źnižeńniem dziciačaj śmiarotnaści, kali navat słabyja dzieci vyžyvajuć. Isnuje i teoryja, jakaja źviazvaje rost alerhij z vynachodstvam i vykarystańniem paracetamołu.