Ministr zamiežnych spraŭ Rasii Siarhiej Łaŭroŭ upeŭnieny, što rasijska-biełaruskaja rabočaja hrupa pa raźvićci intehracyi dapamoža dasiahnieńniu damoŭlenaściej pamiž krainami.
Fota: kremlin.ru.
Padčas adnaho ź intervju žurnalist spytaŭ, jak Łaŭroŭ aceńvaje słovy Alaksandra Łukašenki pra toje, što Biełaruś hatovaja abjadnacca z Rasijaj?
«Ci hatovaja Rasija da takoha kroku?» — spytaŭ žurnalist u Łaŭrova.
«Vakoł hetaha pytańnia zanadta šmat emocyj, žurnalisty mnohaje dadumvajuć i dapisvajuć. U nas vielmi prostaja pazicyja, i jana padzialajecca prezidentam Biełarusi Alaksandram Łukašenkam. Jość dahavor ab stvareńni Sajuznaj dziaržavy Biełarusi i Rasii, u im vykładzieny tyja damoŭlenaści, jakija byli pakładzieny ŭ asnovu Sajuznaj dziaržavy. Jany datyčacca ŭzajemadziejańnia ŭ ekanomicy, finansach, u śfiery palityčnaj i źniešniepalityčnaj kaardynacyi», — skazaŭ Łaŭroŭ.
Jak adznačyŭ rasijski ministr, rabočaja hrupa dźviuch krain pa intehracyi pavinna pahladzieć, nakolki damoŭlenaści toj epochi na siońnia vykanany, i što patrabujecca zrabić, uličvajučy sučasny stan raźvićcia dziaržaŭ.
«Roŭna pra heta i idzie havorka, tamu my hatovyja praciahvać supracoŭnictva nastolki, nakolki hatovaja heta rabić sama Biełaruś», — skazaŭ Łaŭroŭ.
