Pravaabaronca «Viasny» Uładzimir Vialičkin i aktyvist Vital Kazak byli siońnia vyklikanyja ŭ Leninski RAUS i z pastarunku ŭžo nie vyjšli. Suprać bieraściejcaŭ raspačali administratyŭny praces za praviadzieńnie niesankcyjanavanaha masavaha mierapryjemstva, abodva zatrymanyja da suda, paviedamlaje Biełsat.
Praz paŭtary hadziny znachodžańnia ŭ milicyi Vialičkin byŭ zatrymany i adpraŭleny ŭ bieraściejskaje IČU, u paniadziełak jaho buduć sudzić.
Vital Kazak akazaŭsia ŭ IČU praz try hadziny paśla taho jak źjaviŭsia ŭ milicyi.
«Mianie niama za što zatrymlivać, ale ŭ milicyi ŭžo paabiacali mnie, što da paniadziełka ja zastanusia tut. Mušu pakłaści słuchaŭku, heta patrabuje supracoŭnik milicyi», — adzinaje, što paśpieŭ skazać Vital Kazak.
U minułuju niadzielu, 10 lutaha, paśla tradycyjnaha karmleńnia hałuboŭ na centralnaj płoščy horadu bieraściejcy moŭčki prajšli pa piešachodnaj vulicy Savieckaj da kinateatru «Biełaruś» — takim čynam jany pratestavali suprać zapusku akumulatarnaha zavodu
