Bolš za piać hadoŭ Rusłan zachaplajecca futbołam, staranna trenirujecca i maryć stać prafiesijnym spartsmienam. Ale niekalki hadoŭ tamu adbyŭsia niaščasny vypadak, u vyniku jakoha dzicia straciła zrok na adnym voku. Pry hetym chłopčyk vielmi metanakiravany: jon maryć ab prafiesijnym sporcie i dziela svajoj mety hatovy treniravacca bieź jakich-niebudź paturańniaŭ.
Historyja Rusłana atrymała ahałosku dziakujučy futbolnamu trenieru Alaksieju Filipavu. Jon napisaŭ list u kampaniju KIA Motors, jakaja źjaŭlajecca partnioram Lihi Jeŭropy, z prapanovaj zrabić vychavanca škoły-internata svaim «junym arbitram». I, na vialikuju radaść treniera, kampanija pahadziłasia.
«Juny arbitr KIA» dapamahaje dzieciam pa ŭsim śviecie ažyćciaŭlać mary: adkryvać hałoŭnyja spartyŭnyja spabornictvy, — raspaviadaje Volha Sikorskaja, načalnik adździeła markietynhu KIA ŭ Biełarusi. — My rady, što ŭ nas atrymałasia realizavać taki dobry prajekt užo dvojčy. Spadziajomsia, što sumiesna ź Biełaruskaj fiederacyjaj futboła my i dalej zmožam znachodzić u Biełarusi takich śmiełych i zachoplenych futbołam dziaciej, jak Hleb Udovin, jaki adkryvaŭ matč BATE z «Čełsi», i Rusłan Kaškoŭski, jaki staŭ zorkaj hulni BATE z «Arsienałam».
U dzień matča juny arbitr trymaŭsia nie pa-dziciačy surjozna. Byccam nie jamu treba było ŭžo ŭviečary vyjści na pole da svaich kumiraŭ. Usie chłapčuki ŭ škole-internacie viedajuć, što Rusłan maryć być takim ža sprytnym, jak Miesut Aził z «Arsienała» i Alaksandr Hleb z BATE. I ščyra radujucca za tavaryša.
«Da momantu, kali adčynilisia dźviery stadyjona i treba było vyjści na pole, ja nie chvalavaŭsia, napeŭna, nie vieryŭ, što heta adbyvajecca sa mnoj, — dzielicca ŭražańniami «juny arbitr KIA» Rusłan Kaškoŭski. — Ale potym vakoł mianie stali źbiracca spartsmieny, siarod ich byli naš Stasievič i Hleb, Čech z «Arsienała», i ja narešcie zrazumieŭ, što mienavita mnie davieryli adkryć taki kruty matč. Chłopcy z kamandy skazali, što ŭ hety dzień na «Barysaŭ-arenie» było kala 13 tysiač čałaviek, kali nie bolš».
Treniera, dyrektara internata i 10 hulcoŭ kamandy Rusłana taksama zaprasili na «Barysaŭ-Arenu». Dla mnohich vychavancaŭ škoły-internata hetaja pajezdka stała pieršaj mahčymaściu ŭžyvuju ŭbačyć matč takoha maštabu.
Dla padarožža junych spartsmienaŭ KIA dała niekalki aŭtamabilaŭ z asabistymi kiroŭcami, jakija ŭ dzień matču pryvieźli chłopcaŭ u Barysaŭ, a paśla zakančeńnia znakavaj hulni dastavili ŭ Maładziečna. Viarnulisia dadomu chłopcy ščaślivyja: ź likam 1:0 biełaruski BATE atrymaŭ pieramohu nad łondanskim «Arsienałam».
