Słoŭnik biełaruskaj movy Ivana Nasoviča — adzin z najkaštoŭniejšych dyjamientaŭ biełaruskaj navuki. Jon zastajecca aktualnym i siońnia, bo źmiaščaje bahaty ilustracyjny materyjał na padstavie narodnych piesień, prykazak, prymavak, frazieałahizmaŭ.
Słoŭnik taksama patrebny paspalitym karystalnikam, kab spraŭdzić, ci ŭžyvałasia niejkaje słova, znajści tahačasnyja sinonimy sučasnamu słovu, abo zrazumieć sens nieznajomaha słova.
Zaraz słoŭnik isnuje tolki ŭ vyhladzie skanaŭ. A heta vialikaja niazručnaść i abmiežavańnie dla vykarystańnia. Jon vydadzieny starym rasiejskim pravapisam, za jakim składana ŭbačyć biełaruskija słovy:
APOSŁѢ´ = apaśla, ASTRI´ŽIENOK' = astryžanak.
Heta ŭsie robić praces pošuku składanym i abmiežavanym. Z novaj elektronnaj viersijaj słoŭnika hety praces budzie značna zručniejšym. Da kožnaha artykuła my dadadzim asučaśnienaje napisańnie nazvy (pry zachavańni aryhinalnaj) i sinonimy dla zručnaści pošuku. Movaznaŭcam elektronny słoŭnik značna palehčyć adbor materyjałaŭ u sučasnyja słoŭniki i dla daśledavańniaŭ.
Pačynaŭ rychtavać elektronny słoŭnik jašče Źmicier Saŭka. My majem jahonyja materyjały, ale sprava niezavieršanaja.
Pamier słoŭnika — kala 800 staronak. Heta prykładna 35 tysiač artykułaŭ, jakija ŭskładnieny starym pravapisam i adrukoŭkami. Pa našych padlikach, praca nad słoŭnikam zojmie 700 hadzin. A znajści vałancioraŭ dla takoj karpatlivaj prafiesijnaj pracy prosta niemahčyma.
Paśla zaviaršeńnia pracy my płanujem zrabić vielmi abmiežavanaje vydańnie (kala 50 asobnikaŭ) tekstaŭ słoŭnika i pošukavaj sistemy na dyskach, jakija pojduć u bujniejšyja biblijateki i navukovyja centry Biełarusi i zamiežža.
Słoŭnik taksama budzie vykładzieny ŭ sieciva dla volnaha karystańnia.
Dałučycca možna tut.
