U Rahačoŭskim rajonie na pažary ŭ čužoj chacie zahinuŭ mužčyna, paviedamlaje MNS.
Paviedamleńnie pra pažar u chacie ŭ vioscy Cichiničy pastupiła ratavalnikam Rahačoŭskaha rajonnaha padraździaleńnia MNS siońnia ŭ 11.52. U siencach ratavalniki znajšli biesprytomnaha mužčynu, u dvary była haspadynia.
Žančyna pražyvaje ŭ susiedniaj chacie na toj ža vulicy. U momant uźniknieńnia pažaru jana znachodziłasia pa miescy pražyvańnia i, daviedaŭšysia ad susiedziaŭ, što ź jaje inšaj chaty idzie dym, adrazu pabiehła tudy. Dźviery byli adkrytyja, u žyłym pakoi na łožku žančyna znajšła mužčynu, jon lažaŭ biez prytomnaści.
Im akazaŭsia hramadzianin 1981 hoda naradžeńnia, jaki prakraŭsia tudy samavolna. Bryhada miedrabotnikaŭ kanstatavała śmierć mužčyny.
Adna ź viersij zdareńnia — nieaściarožnaje abychodžańnie z ahniom pry kureńni.
