DAI, adnak, nie daje pra jaje infarmacyi.
U aŭtorak 6 červienia kala 11-j hadziny ranicy na skryžavańni vulicaŭ Pieršamajskaj i Čyrvonaarmiejskaj adbyłasia aŭtamabilnaja avaryja z udziełam mašyny z kartežu A.Łukašenki. U kancy vulicy Čyrvonaarmiejskaj znachodzicca haraž prezydentury, tamu hetym maršrutam mašyny kartežu prajaždžajuć štodzionna. Pryčym, jak kažuć miascovyja žychary, zvyčajna na davoli vysokaj chutkaści.
Čorny mikraaŭtobus z tanavanym škłom z kartežu sutyknuŭsia ź lehkavikom «Pežo». U vyniku avaryi ŭ lehkavika byŭ mocna paškodžany pierad, u mikraaŭtobusa – bok.
Kab akazać dapamohu paciarpiełamu, na miesca avaryi pryjechała «chutkaja». Raźbitaje «Pežo» amal da viečara prastajała niepadalok ad miesca avaryi.
Na žal, nam nie ŭdałosia vyśvietlić, kiroŭca jakoj z mašynaŭ paciarpieŭ i chto byŭ vinavaty ŭ zdareńni. Va Ŭpraŭleńni DAI HUUS Mienharvykankamu karespandentu «NN» było zajaŭlena: «Zdareńnia ŭ hetym miescy nie zafiksavana».
Siamion Piečanko
