Ihar Šunievič, skrynšot z prahramy «Markaŭ. Ničoha asabistaha».
— Nakolki vysoki siarod siłavikoŭ uzrovień hamafobii?
— Ja b nie skazaŭ, što jon vysoki.
— Jak u cełym u hramadstvie?
— Nie, tam jakraz naadvarot: heta nie vyražana ŭ takich formach, nichto nie dazvolić sabie, jak Šunievič, siabie adkryć. Prynamsi ja takoha nie čuŭ. Heta ŭsio ž uzrovień asabistaj kultury.
U mianie byŭ tam [u turmie — Red.] taki vypadak. Śmiešny, ci nie śmiešny. Kali ŭ kubryk pryjšli miedyčnyja braty, aficery, jakija zvyčajna vydajuć tam pihułki ci pracujuć u hetaj balničcy. Jany prychodziać praviarajuć sanabstanoŭku. Załaziać u tumbački, kab kiłbasa nie valałasia, kab astatki ježy niejkaj nie byli. Taki rehularny abychod. Charošyja chłopcy takija. Mnie tam adzin na adzin kazali: «Trymajsia». Pasyłali sihnały niejkija, što dobra staviacca da mianie. I voś zachodziać u siekcyju, pahladzieli, u maju tumbačku navat nie zaleźli, tam narmalna ŭsio. I pytajucca: «Aleś, nu voś skažy, a jak ty stavišsia da homaseksualistaŭ?» Ja hladžu: usia kamiera tak «am» — i hladziać na mianie, što ja adkažu. Voś uzrovień.
— Što vy adkazali?
— Ja niejkim čynam adkazaŭ, usio narmalna abyšłosia. Nichto mianie za heta potym nie čaplaŭ. Uzrovień adnosin voś taki. Potym adzin užo na raźvitańnie skazaŭ: «Nie, nam hetaha nie treba! Tak i skažycie ŭ Jeŭropie — nam hetaha nie treba!» Heta było trahikamična, tamu što ja tam siadzieŭ zusim biez anijakich pravoŭ. U jakoj Jeŭropie ja moh niešta skazać? Ščyra kažučy, i pahavaryć ź imi narmalna taksama nie moh. U kałonijach heta tema tabuizavanaja. Heta tabu. Tam jość bahata takich zababonaŭ, jakija realna isnujuć.
— Čamu Šunievič, jak vam padajecca, tak časta ŭzdymaje hetuju temu? Publična vykarystoŭvaje vielmi abraźlivyja vyrazy ŭ adnosinach da pradstaŭnikoŭ ŁBHT-supolnaści. Pra što heta śviedčyć?
— Ja miarkuju, pra jahony ŭzrovień intelihientnaści i adukacyi. Jon, jak kažuć, nižej plintusa. Čałaviek prosta z kvadratnym padychodam i razumieńniem hetaha śvietu. Razumieńniem hetaha, jak «čorna-bieły» śviet. Voś taki jaho ŭzrovień intelektualny.
Hladzieć vypusk całkam:
